БҚО-да биыл өртте алты адам қаза тапқан

Тағы төрт адам түрлі жарақат алған.

– Облыс аумағында жыл басынан бері 209 өрт тіркелді. Шығын сомасы 32 миллион теңгеден асты, – деді БҚО ТЖ департаментінің бастығы Ернұр Өтегенов.

Оның айтуынша, өткен жылмен салыстырғанда, 2022 жылы өртте қаза тапқандар болған жоқ, екі адам жарақат алды, ал өрттердің саны 150-ді құрады. Өрттің негізгі себептері отпен және өрт қауіпті заттарды пайдалану кезінде қауіпсіздікті қамтамасыз етпеу және өрт қауіпсіздігі ережелерін бұзу болып табылады.

Ернұр Өтегенов биыл өрт қауіпті кезеңде 3 орман өрті мен 30 табиғи жану орын алғанына назар аударды.

– Өткен жылмен салыстырғанда табиғи жану екі есе көп. Биылғы жылы өрттер мен жанулардың жалпы ауданы-531 гектар, оның ішінде дала – 310, орман – 221 гектар, материалдық шығын 2,5 млн теңгеден асты. Өткен жылы жанудың жалпы ауданы 74 гектарды құрады (барлығы – 11 өрт), ал шығын 309 мың теңгеден асты, — деп хабарлады Ернұр Өтегенов.

ТЖ департаментінің басшысы жергілікті бюджеттен өрт қауіпті кезеңге «Қазавиақұтқару» АҚ ұсынатын тікұшақ қызметтеріне 49 млн теңгеден астам қаржы бөлінгенін атап өтті.

– Бөлінген сома 32,5 млн теңге бөлінген былтырғыдан артық. Биыл біз 7,1 млн теңгеден астам сомаға 142 өрт сөндіргіш сатып алдық, – деді Ернұр Өтегенов.

Ол биылғы өрт қауіпті кезең 5 сәуірде басталғанын толықтырды. Өрт және жану кезінде өрт қауіпсіздігі ережелерін бұзғаны үшін 196 адам әкімшілік жауапкершілікке тартылды. Оның ішінде 162 адам ескерту алды және 34 адам екі миллион теңгеден астам сомаға айыппұл түрінде әкімшілік жазаға тартылды.

Мария ДРАЧЕВА