БҚО оқушысы бірден бірнеше жоғары оқу орындарына «жарылғыш зат қойылғаны» туралы жалған хабарламасы үшін сотталды
Оған бас бостандығын 6 айға шектеу түріндегі жаза тағайындалды.
Өткен жылдың мамыр айында Ақтөбеде полиция департаментінің электронды мекен-жайына жоғары оқу орындарының ғимараттарына қойылған жарылғыш құрылғылар туралы хабарламалар келіп түсті. Аталған мекенжайларға барлық шұғыл қызметтер, саперлер, иттерімен кинологтар жіберілді. Қызметкерлер мен оқушылар эвакуацияланды. Жарылғыш құрылғылар табылған жоқ.
Ақтөбе облысы ПД экстремизмге қарсы іс-қимыл басқармасының қызметкерлері жедел іс-шаралар барысында БҚО мектептерінің бірінің 10-сынып оқушысын анықтады. Оқушы бәрін мойындады. Полицейлер оның компьютерін тәркіледі.
Ол осындай электрондық хатты Көкшетауға үш сот ғимаратын «жару» туралы жібергені анықталды. Осы жылдың мамыр айында Ақтөбе қаласының кәмелетке толмағандар жөніндегі ауданаралық сотының судьясы үкім шығарды, онда жасөспірім кінәлі деп танылды. Бас бостандығын 6 айға шектеу түріндегі жаза тағайындалды.
Дереккөз: Polisia.kz
