БҚО-да жас дәрігерлер үшін 5 млн-ға дейін көтерме сомасы артады
Батыс Қазақстан облысының жас дәрігерлеріне көтерме жәрдемақы сомасы ұлғайтылды.
Осы жылдан бастап шалғайдағы елді мекендерге келгендерге 5 миллион теңгеге дейін төленеді. Бүгінгі таңда өңірде денсаулық сақтау саласында 250-ден астам бос жұмыс орны бар. Ең көп кадр тапшылығы Бөкей ордасы мен Жәнібек аудандарында байқалады.
Өткен жылы облысқа 52 маман келді – бұл 2021 жылмен салыстырғанда екі есе көп.Мәселені шешу үшін бейінді ведомствода өңірге медициналық кадрларды тарту үшін әлеуметтік қолдау мөлшерін қайта қарау ұсынылды.
Гүлнара Әбдірахманова, БҚО денсаулық сақтау басқармасы басшысының орынбасары:
– Келген жас мамандарға әлеуметтік пакет бөлу мәселесі оң шешімін тапты. Қашықтық ескерілетін болды. Мысалы, жас маман қалада қалса, оған 1 млн теңге сомасында әлеуметтік пакет берілетін болады. 500-600 шақырым болатын алыс аудандар-5 млн. қалған аудандар-Қаратөбе, Сырым, Жаңақала, 500 км дейінгі қашықтық оларға 2,5 млн.
Дереккөз: 24.kz
ОСЫ ТАҚЫРЫПТА ОҚЫҢЫЗ: БҚО ауылдарына жұмыс істеуге келген жас дәрігерлерге 1 млн теңгеден төленеді
Кейбір облыстар ауылға келген дәрігерге 5 млн теңге көтерме жәрдемақы бөледі – Ғиният
