Жәнібек кентінде екі жасар бала құдыққа құлап көз жұмды
Тұрғындардың айтуына қарағанда, бала аудан әкімдігі ғимаратының артында орналасқан құдыққа түсіп кеткен.
БҚО ПД баспасөз қызметі хабарлағандай, сәрсенбі, 14 маусым, сағат 22.00 шамасында, 2021 жылы туған ұл бала, Жәнібек кенті, Ғ. Қараш көшесінің бойындағы №61 ғимарат жанындағы тереңдігі 2 метр, ашық жатқан, су толы құдыққа құлаған.
Баланы Жәнібек ауданының орталық аудандық ауруханасына жеткізгенімен, есін жимастан қайтыс болды.
– Осы факті бойынша сотқа дейінгі тергеу басталды, сот-медициналық сараптама тағайындалды. ҚР ҚІЖК – нің 201-бабына сәйкес өзге де ақпарат жария етілмейді, – деп хабарлады полиция.
