Қазақстандықтар көлік нөмірінің әріптерін өздері таңдауы мүмкін
ҚР Цифрлық даму, инновациялар және аэроғарыш өнеркәсібі министрлігі жүргізушілерге автокөліктің кез келген әліпбилік нөмір белгілерін таңдауға мүмкіндік беретін жүйені енгізуді жоспарлап отыр.
Министр қазіргі уақытта қазақстандықтар автокөлікке сұраныс артқан нөмірлерге электронды үкімет порталы мен eGov Mobile мобильді қосымшасы арқылы тапсырыс бере алатынын еске салды.
«Мен қазіргі ахуалдан хабардармын, көлік нөміріне қатысты мәселелер мен мәліметтер маған жетіп отырады. Сондықтан біз көлік нөмірін жасаушы қызметін енгізуді пысықтап жатырмыз. Бұл функция арқылы клиент өзі үшін санның кез келген әріптерін таңдай алады. Мысалы, сіздің атыңыздың алғашқы 3 әрпі. Бізде бұл қызметке сұраныс жоғары», — деді министр.
Мұндай қызметті жүзеге асыру үшін министрлік Парламенттен қолдау күтеді, өйткені сұранысы жоғары нөмірлер тізімін ұлғайтуды заңды түрде бекіту қажет.
“Мұндай нөмірлерді сату бюджетке қосымша ақша әкелуі мүмкін”, — деп қосты Мусин.
