Жаңа оқу жылында бастауыш сыныптарды қандай өзгеріс күтіп тұр
2023-2024 оқу жылында тілдерді оқытуды кезең-кезеңімен енгізу мақсатында қазақ тілінде оқытатын бірінші сыныптарда «Әліппе/Ана тілі» пәндері, ал «Орыс тілі» оқу пәні екінші сыныптан бастап оқытылатын болады.
Бұл туралы Оқу-ағарту министрлігі мәлім етті.
Ведомствоның хабарлауынша, орыс тілінде оқытатын сыныптарда бірінші сынып оқушылары «Қазақ тілі» және «Букварь» пәндерін оқитын болады. «Шет тілі» оқу пәнін барлық бірінші сынып оқушылары үшінші сыныптан бастап оқиды.
«Тілдерді оқытуды кезең-кезеңімен енгізу тәсілі өткен оқу жылынан бастап іске асырылуда. Бұл тәсіл білім алушылардың жас ерекшеліктерін ескеруге мүмкіндік беретіні маңызды», – деп атап өтті Ы. Алтынсарин атындағы ҰБА президенті Мадина Тыныбаева.
Айта кетейік, «Тіл және әдебиет» білім беру саласы бойынша оқу үдерісін ұйымдастыру Ы. Алтынсарин атындағы ҰБА-ның әдістемелік-нұсқау хатында толығырақ берілген.
ОҚИ ОТЫРЫҢЫЗ: «Сауат ашу» жоқ. Бірінші сынып оқушылары «Әліппе» мен «Ана тілін» оқиды
«Ахмет Байтұрсынов әдістемесі негізінде болады». Әліппе қашан енгізілетіні белгілі болды
