Оралда ыстық пен екпінді желдің салдарынан бірнеше аудан жарықсыз қалды
Сонымен қатар, трансформаторлар аптап ыстыққа байланысты істен шығуда.
«Бат.Қаз АЭК» ЖШС филиалының өндірістік-техникалық қызметінің бастығы Тілек Харин бүгін екпінді жел сымдарға жақын ағаштарды сындырып, электр сымдарының үзілуі орын алғанын хабарлады.
– Бүгінде жел көптеген ағаштарды сындырды, сәйкесінше электр желілерінің үзілуі орын алды. Қазір бізде қала бойынша бес апаттық бригада жұмыс істейді және екі апаттық көлік қала бойынша қозғалуда. Біз желілердегі апаттарды жоямыз, бірақ, жасалатын жұмыстың көптігінен бәрі тез жойылмайды, біздің қызметкерлер тоқтаусыз жұмыс істеуде, – деді Тілек Харин.
«Бат.Қаз АЭК» ЖШС өкілі Денис Дементьевский облыста бірнеше күн тұрған қатты ыстықты ескеру керек екеніне назар аударды.
– Трансформаторлар қызып кетеді, өйткені бірнеше күн қатарынан өте қатты ыстық. Сонымен қатар, барлық жерде жұмыс істейтін кондиционерлер жүктеме жасайды. Мұның бәрі көптеген апаттарға әкеледі», – деп қорытындылады Денис Дементьевский.
Қазіргі уақытта апаттар жойылуда. Тұрғындардан шыдамдылық пен төзімділік сұралады.
Бүгін термометр бағаны 41 градусты көрсетуде, ал кейбір аудан тұрғындары термометрлерде 43, 44 градус көрсетіп тұр деп хабарлайды.
