Қазақстанда АИ-95 маркалы бензин тапшы
Қазақстандық мұнай өңдеу зауыттары жоспарлы және күтпеген жөндеу жұмыстарына кіріскендіктен, елде АИ-95 маркалы бензин тапшылығы сезілуде.
Бұл туралы үкіметте өткен баспасөз мәслихатында энергетика министрі Алмасадам Сәтқалиев мәлімдеді.
«АИ-95 бензиннің тапшылығының пайда болғаны байқалды. Бұл Шымкент мұнай-химия зауытында жүргізген жөндеу жұмыстары мен Атырау зауытының апатты жағдайда тоқтап қалуына байланысты. Қазір мұнай базалары мен зауыттарда қажетті көлем жинақталып, әкімдік өтініштеріне сәйкес жөнелтіліп жатыр. Иә, тұтыну көлемі ұлғайған аймақтарда тапшылық болуы мүмкін. Тапшылық ішкі жеткізу есебінен жабылады», – деді энергетика министрі Алмасадам Сәтқалиев үкіметте өткен баспасөз мәслихатында.
Ол сондай-ақ алыпсатарлар қолма-қол ақшаға алатынын атап өтті. Мемлекет АИ-92 мен дизельге қарағанда АИ-95 бағасын реттемейді. Бірақ ол Қазақстан жанар-жағармайды шетелден сатып алып, аймақтарға бөлінуін қадағалайтынына уәде берді.
«АИ-95 бензин – реттелмейтін отын түрі, жанармай құюшылардың өздері бағаны көтеруге құқылы. Біз энергетика министрлігі ретінде баға көрсеткіші бойынша ұсыныстар жасай аламыз. Біз бұл жұмысты өнім иелерімен де, жанармайдың осы түрінің бағасының күрт өсуіне жол бермеу үшін жанар-жағармай құю станциялары бар желілермен де, кәсіпорындармен де жүргіземіз», – деп қосты Сәтқалиев.
