БҚО-да қарақшылық жасағандар ұсталды
Ұсталғандар УҰИ-ға қамалды.
Батыс Қазақстанда полиция қызметкерлері тонау жасаған азаматтарды ұстады, деп хабарлайды POLICE KZ Telegram арнасы.
27 тамыз күні сағат 19:15-те белгісіз екі тұлға Орал қаласындағы Кердері көшесінің бойында 1981 ж.т. Орал қаласының тұрғынына тиісті 115 мың сомасындағы ақшасын ашық түрде жымқырып кеткен.
Қолданылған жедел-іздестіру іс-шарасы барысында бұрын сотты болған 1994 және 1993 ж.т. Орал қаласының тұрғындарын анықтап, қолға түсірді.
Ұсталғандар УҰИ-ға қамалды. ҚР ҚК-нің 191-бабы 2-бөлігіне сәйкес сотқа дейінгі тергеу амалдары жүргізілуде.
