ДДСҰ әлемде COVID-19 ауруының 38%-ға өскенін хабарлады

Соңғы бір айда әлемде коронавирусты жұқтыру 38%-ға өсіп, 31 шілде мен 27 тамыз аралығында 1,4 миллион адам инфекция жұқтырған.

Сонымен қатар, COVID-19-дан болатын өлім-жітім 50%-ға азайды, әлемде 28 күнде 1800-ден астам адам қайтыс болды. Бұл туралы ДДСҰ-ның апта сайынғы эпидемиологиялық есебінде айтылған.

Ең жоғары аурушаңдық Шығыс Жерорта теңізінде – 113%-ға, ондағы өлім-жітім 33%-ға өсті. Батыс Тынық мұхиты және Еуропа аймақтарында ауру көрсеткіші сәйкесінше 52% және 39% өсті. Еуропалық аймақта өлім саны 43%-ға төмендесе, Батыс Тынық мұхиты аймағында 9%-ға өсті.

Оңтүстік-Шығыс Азия мен Африка аймағында өлім (тиісінше -51% және -73%) және аурушаңдық (тиісінше -48% және 76%) төмендеді. Ауру мен өлімнің ең көп саны Оңтүстік Кореяда тіркелді, онда соңғы 28 күнде 1,296 миллион адам (+73%) ауырып, 596 (+199%) қайтыс болды.

Жалпы, 2023 жылғы 27 тамыздағы жағдай бойынша әлемде 770 миллионнан астам инфекция жағдайы және коронавирустан 6,95 миллионнан астам адам қайтыс болды.

Солтүстік Корея елге кіруге Ковид шектеулерін алып тастады. Сондай-ақ осы айда Жаңа Зеландия COVID-19-ға қатысты барлық шектеулерді алып тастады.

Дереккөз: Оrda.kz