Қазақстанның мемлекеттік қызметшілері арасында 10-ға жуық нашақор анықталып жұмыстан шығарылды
Нашақорлар жоспарлы скринингтер кезінде анықталған.
Қазақстан ІІМ есірткі қылмысына қарсы іс-қимыл департаменті бастығының орынбасары Бақытжан Әмірханов Қазақстанда жыл сайын мемлекеттік қызметшілер арасында есірткіге тәуелділердің санын анықтайтынын хабарлады, деп хабарлайды «Халық дауысы»тілшісі.
Орталық коммуникациялар қызметіндегі дөңгелек үстел барысында ол есірткіні қолдану фактісін анықтау үшін мемлекеттік қызметшілер мен әскери қызметшілер арасында жаппай скрининг бойынша пилоттық жоба жүзеге асырылып жатқанын мәлімдеді.
«Әскери қызметшілер мен мемлекеттік қызметшілер де адамдар, олардың арасында есірткіні қолдана алатын және қолданатын адамдар бар. Нашақор-бұл қылмыскер емес, ауру адам, ол да, людомандар сияқты тәуелді. Оларды анықтау үшін біз скринингтік тестілеуге жүгінетін боламыз», – деді ІІМ департаменті басшысының орынбасары.
Оның айтуынша, биыл полиция қызметкерлері арасында есірткі қолданатын 2-3 қызметкер анықталды. Солардың бірі Астанада. Мемлекеттік қызметшілер мен әскери қызметшілер арасында осындай санда.
Айта кетейік, Денсаулық сақтау органдарының деректері бойынша Қазақстанда 18 200 есірткіге тәуелді адам есепте тұр. Оның ішінде 1500 әйел және 100-ге жуық кәмелетке толмаған. 2024 жылдан бастап нашақорлық мәселесін шешу бойынша кешенді жоспарды іске асыру жоспарлануда. Оған ел бюджетінен 53,2 млрд теңге жұмсалады.
