БҚО-да мас адам аңшы мылтығынан оқ атып үш адамды жарақаттады
Сырым ауданы Аралтөбе ауылында төтенше жағдай орын алды. Атқыштың құрбандары оның бірге ішкен серігі және кездейсоқ өтіп бара жатқан адамдар – әйел мен екі жасар қыз болды.
Сырым ауданы Аралтөбе ауылында ер адамның өтіп бара жатқан адамдарға оқ атқанын біздің әріптестеріміз әлеуметтік желілерде жазды. Жараланғандардың барлығы аудандық ауруханаға жеткізілді. Ауыл тұрғындары телефон арқылы атқан адамның бұрын сотталғанын және бірнеше жылдан бері ауылдастарын қорқытып келе жатқанын айтты.
БҚО полиция департаментінің баспасөз қызметі хабарлағандай, 5 қыркүйекте сағат 18:45 шамасында БҚО Сырым ауданы Аралтөбе кентінде спирттік ішімдіктерді бірге ішкеннен кейін жанжал кезінде 1975 жылы туған ер адам 1989 жылы туған адамға аңшылық мылтықтан оқ атқан.Ұшқан пытыра өтіп бара жатқан адамдар аяғынан жараланды – 1964 жылы туған әйел және 2021 жылы туған қыз бала. Осы факті бойынша сотқа дейінгі тергеу басталды. Күдікті анықталды.
Қазіргі уақытта қылмыскерді ұстау үшін барлық шаралар қабылдануда.
БҚО денсаулық сақтау басқармасының баспасөз қызметінің мәліметінше, 2023 жылғы 5 қыркүйекте «Сырым аудандық ауруханасы» ШЖҚ МКК-ға 1989 жылы туған ер адам, 1964 жылы туған әйел (оқ жарақаты) және 2021 жылы туған қыз (оқ жарақаты) жеткізілді.
Барлық науқастарда жағдайлар тұрақты. 1989 жылы туған ер адам ауруханаға жатқызудан бас тартты. Оған қажетті көмек көрсетілді.
1964 жылы туған әйел Сырым аудандық ауруханасына жатқызылды.
2021 жылы туған қызды анасымен бірге БҚО ДСБ «Облыстық көпбейінді балалар ауруханасы» ШЖҚ МКК емдеуге жіберді.
