Қазақстанда тауарларды өндіруге мемлекеттің айрықша құқығын заң жүзінде бекітуге тыйым салынады
ҚР Президентінің «Мемлекеттің тауарды өндіруге және (немесе) сатуға, сатып алуға немесе пайдалануға айрықша құқығын заңмен бекітуге бастамашылық жасауға, сондай-ақ нарық субъектісіне заңмен арнайы құқық беруге мораторий енгізу туралы» жарлығының жобасы дайындалды.
«2025 жылғы 31 желтоқсанға дейін мемлекеттің тауарды өндіруге және (немесе) сатуға, сатып алуға немесе пайдалануға айрықша құқығын заңмен бекітуге бастамашылық жасауға, сондай — ақ нарық субъектісіне мұндай құқықтарды тапсырма немесе ҚР Президентімен келісім бойынша беру жағдайларын қоспағанда, заңмен арнайы құқық беруге мораторий енгізілсін», – делінген құжатта.
АЗРК түсіндіргендей, жобаның мақсаты-бәсекелестікті қорғау, республиканың тауар нарықтарындағы адал бәсекелестікті және тауар нарықтарының тиімді жұмыс істеуін қолдау және қолайлы жағдайлар жасау, сондай-ақ монополистік қызметті шектеу.
Құжат 21 қыркүйекке дейін ашық талқылау үшін Ашық НҚА сайтында орналастырылған.
Дереккөз: zakon.kz
