Белгісіз біреулер депутат Базарбектің баласының коляскасын өртеп кетті
Бақытжан Базарбектің өзі мәжілісте жер мәселесін жиі көтереді.
Бұл туралы депутат әлеуметтік желіде жазды.
«Менің отбасыма белгісіз біреулерден қоқан лоққыға ұксайтын әрекеттер басталды. Кішкентай балапанымның коляскасын квартирамыздың есігі алдында жағып жіберген. Осылай, Ескі Қазақстанның өкілдері өзінің бар жоғын ескертіп, білдіртіп отырғандай сезінесін!» – деп жазды ол.
Бақытжан Базарбектің өзі мәжілісте жер мәселесін жиі көтереді. Екі күн бұрын ғана бір топ сенатордың «жер кодексіне күмәнді және аса қауіпті түзетуді ұсынып» отырғанын, сенаторлар қорғалатын табиғи аумақтардың бір бөлігін ауылды елдімекендердің құрамына ауыстыру мүмкіндігін беруге тырысып жатқанын мәлім еткен еді.
