Батыс Қазақстан облысының монополистері тұрғындардан негізсіз 247,88 млн. теңге алған
23 субъектіге уақытша өтемдік тарифтер бекітілді, олар 2023 жылдың 1 тамызы мен 1 қыркүйегінен бастап қолданысқа енгізілді.
Тарифтік сметалар мен инвестициялық бағдарламалардың орындалуы туралы есептерді талдау қорытындысы бойынша ҚР ҰЭМ Табиғи монополияларды реттеу комитетінің Батыс Қазақстан облысы бойынша департаменті табиғи монополиялар субъектілерінің 2022 жылғы 70 есебін қарады, оның ішінде:
— тарифтік сметаларды орындау бойынша -58;
– инвестициялық бағдарламаны орындау бойынша-12 .
«Табиғи монополиялар туралы» ҚР заңының талаптарына сәйкес монополист субъектілер бекітілген тарифтік смета негізінде инвестициялық бағдарламаларда көзделген іс-шаралардың толық кешенін жүзеге асыруға және уәкілетті органға есептер беруге міндетті.
Алдыңғы 2022 жылғы тарифтік сметалар мен инвестициялық бағдарламалардың орындалуын талдау нәтижелері бойынша монополистердің тарифтік сметалар мен инвестициялық бағдарламалар бойынша шығындар баптарын орындамағаны анықталды.
«Осылайша, бұзушылықтарға жол берген 23 субъектіге қатысты ҚР Ұлттық банкінің 247,88 млн. теңге мөлшерінде қайта қаржыландыру мөлшерлемесімен негізсіз табыстың жалпы сомасына уақытша өтемдік тарифтер енгізілді», — деп хабарлады БҚО бойынша ТМРКД басшысы Гүлжаз Қазбекова.
Нәтижесінде, 23 субъектіге уақытша өтемдік тарифтер бекітілді, олар 2023 жылдың 1 тамызы мен 1 қыркүйегінен бастап қолданысқа енгізілді.
«Енгізілген уақытша өтемдік тарифтердің қорытындысы бойынша тарифтерді төмендету жағына қарай қайта есептеу жүргізілетін болады», — деп түсіндірді БҚО бойынша ТМРКД.
Дереккөз: zhaikpress.kz
