Орал қаласында 18 жастағы жүргізуші көлікпен аударылды
Денсаулық сақтау басқармасының баспасөз қызметінен хабарлағандай, травматологтың қарауынан кейін көлік жүргізушісі амбулаториялық емделуге жіберілді.
БҚО ПД баспасөз қызметінің мәліметінше, бүгін, 10.09.2023 ж., сағат 12:56 шамасында «102» пультіне Шолохов — С. Датов көшелерінің қиылысында «Nissan» автокөлігінің жүргізушісі автокөліктің аударылуына жол бергені туралы хабарлама келіп түсті. Ауған кезде машина жарық тірегіне соғылып, жол жиегіндегі тасты сындырған.
Полиция апаттың егжей-тегжейін анықтауда.
Денсаулық сақтау басқармасының баспасөз қызметі 10 қыркүйекте сағат 12:26-да облыстық «Жедел медициналық жәрдем» станциясының пультіне шақыру келіп түскенін хабарлады: Шолохов пен С.Датов көшелерінің қиылысында көлік аударылды.
2005 жылы туған көлік жүргізушісі жарақат алды.
Жәбірленуші облыстық көпсалалы ауруханаға жеткізілді. Оған травматолог көмек көрсетті. Көлік жүргізушісі ауруханаға жатқызылмады, оған амбулаториялық ем тағайындалды.
