Ақжайық шағын ауданына көпір салу мәселесі сөзсіз — Орал әкімі
Ол үшін жерді орман қорынан қаланың меншігіне шығару керек.
20 қыркүйекте мәслихаттың қалалық сессиясы өтті, онда қала басшысы Миржан Сатқановтың есебі тыңдалды. Оның айтуынша, соңғы екі жылда Ақжайық шағын ауданында он жаңа үйдің құрылысы жүргізілуде. Жыл соңына дейін бес көпқабатты үйдің құрылысы аяқталады, қалғандары келесі жылы салынады.
Айта кетейік, Ақжайық жаңа шағын ауданы көппәтерлі тұрғын үйлердің 1 300 секциясын салуға есептелген, бұл 25 мыңнан астам пәтер. Онда 84 мыңға жуық адам тұрады.
— Орал қаласында жаңа шағын аудандар салынбайды. Жоспарда-Ақжайық және 10-шы шағын ауданды салу, сондай-ақ «Екінші жұмысшы» ауданында, қала орталығы мен солтүстік — шығыста үйлер салу, – деп атап өтті Миржан Сатқанов.
Сонымен қатар, ол Ақжайық шағын ауданына апаратын көпір салу мәселесін қозғады.
– Орал өзендермен қоршалған, сәйкесінше бізде көпір көп. Олардың көпшілігі бірнеше жыл бұрын салынған. Жыл сайын қала халқы өсуде, сондықтан Ақжайық шағын ауданына көпір салу мәселесі сөзсіз. Қазіргі уақытта біздің міндетіміз — жерді орман қорынан қаланың меншігіне шығару. Әрі қарай біз жаңа жобаны әзірлеуге кірісеміз, бұл бір-екі жылға созылуы мүмкін, — деп қорытындылады Миржан Сатқанов.
ОҚИ ОТЫРЫҢЫЗ: Ақжайық шағын ауданына көпір: Оралда орман қорынан жер аудару бойынша қоғамдық тыңдаулар өтеді
Оралда Шаған өзені арқылы көпір салу туралы тыңдау өтті. Көпшілік «қолдап»дауыс берді
Оралда Шаған арқылы өтетін көпірдің құрылысы белгісіз мерзімге шегерілді
