БҚО тұрғыны ауылдастарын ұрды деп күдіктелуде. Олардың бірі қайтыс болды
Көп ұзамай оқиғаға күдікті-Январцево ауылының 30 жастағы тұрғыны ұсталып, уақытша ұстау изоляторына қамалды.
Оқиға 14 қыркүйекте Бәйтерек ауданы Январцево кентінде болған. БҚО полиция департаментінің баспасөз қызметінің мәліметінше, ер адам екі ауыл тұрғынын ұрып-соғып, қылмыс орнынан қашып кеткен.
50 және 51 жастағы зардап шеккендер әртүрлі жарақаттармен ауруханаға жатқызылды. Олардың бірі алған жарақаттарынан есін жимастан қайтыс болды.
Тәртіп сақшылары ҚР ҚК-нің 106-бабы бойынша «Абайсызда жәбірленушінің өліміне әкеп соққан денсаулыққа қасақана ауыр зиян келтіру» бойынша сотқа дейінгі тергеп-тексеруді бастады. Көп ұзамай күдікті-Январцево ауылының 30 жастағы тұрғыны ұсталды. Ол уақытша ұстау изоляторына қамалды.
