Қазақстанда тауар салығын көтеруге қарсы петиция басталды
Қазақстанда ҚҚС-ты 16%-ға дейін көтеруге қарсы петиция басталды, қазірге дейін оған 225 адам қол қойған.
Жаңа салық кодексі жобасы аясында салық мөлшерлемесін 16 пайызға дейін көтеру мәселесі 2023 жылдың жазынан бері талқыланып келеді. Ал, қазақстандықтар бұл бастамаға қарсы қол жинап жатыр. Петицияны ұйымдастырушы Қазақстан құрылысшылар одағы президиумы төрағасының орынбасары Валерий Лакисов мұндай шаралар кәсіпкерлердің экономикалық жағдайына кері әсер ететініне сенімді.
«Мұндай шаралар бәсекелестік артықшылықтардың, демек, бизнес өкілдерінің көпшілігінің экономикалық жағдайының одан әрі нашарлауына ықпал етеді. Ал халық барлық тауарларға, жұмыстарға, қызметтерге бағаның өсуін күтеді – нәтижесінде түпкілікті тұтынушы зардап шегеді»,- дейді ол.
Лакисов мұнай-газ, тау-кен өнеркәсібі, шикізат және басқа да компанияларға ҚҚС қайтаруға мемлекеттік бюджеттен шығыстар артып, бұл ел азаматтарының әл-ауқатына кері әсерін тигізетініне сенімді.
Ұлттық экономика министрлігі өз кезегінде мөлшерлеменің артуы бюджетке қосымша түсім түсуіне әкеліп соғады, сонымен қатар көршілес елдерден әкелінетін тауарлармен салыстырғанда отандық тауарлардың бәсекеге қабілеттілігін арттырады деп есептейді. 2025 жылдан бастап ҚҚС өседі деп күтілуде.
Дереккөз: Оrda.kz
