БҚО-да геморрагиялық қызбаның екі жағдайы анықталған
Жұқтыру жағдайлары Бәйтерек ауданының аумағында және Орал қаласында анықталды.
«Бүйрек синдромы бар геморрагиялық қызба жағдайлары Бәйтерек ауданында және Орал қаласында тіркелді. Кеміргіштер инфекцияның көзі және табиғаттағы вирустың резервуары болып табылады», – делінген аймақтың санитарлық-эпидемиологиялық бақылау департаментінің хабарламасында.
Эпидемиологтар негізгі клиникалық белгілерін атады:
- дене температурасының 39-40 градусқа дейін көтерілуі,
- бас ауруы,
- бет пен шырышты қабықтың қызаруы.
Үшінші-төртінші күннен бастап белде, іште ауырсыну, дене бөртіп және бүйректің зақымдану белгілері пайда болады.
Ведомствода атап өткендей, өңір геморрагиялық қызба бойынша табиғи ошақ болып табылады.
Бүйрек синдромы бар геморрагиялық қызба (БСГҚ) – адамның ұсақ қан тамырларына, бүйректеріне, өкпесіне және басқа мүшелеріне әсер ететін ауыр, өлімге әкелетін ауру. Ауру табиғатта БСГҚ вирусын тасымалдайтын орман кеміргіштерімен кеңінен таралған. Кеміргіштерден адамдарға ол кеміргіштердің секрециясын жұқтырған өнімдерді қолдану арқылы және ауру жануарлармен тікелей байланыста жұғады.
