Орал маңындағы көлікжуу орны киік етін қабылдау пунктіне айналған
Бір ай бұрын Круглоозерный кентінде жұмыс істеген көлік жуу орны қазір Жаңақаладан атып әкелінген киік етін қабылдау пункті айналды. Автокөлік жуу орнының иесі, кәсіпкер Алик Кубеев мұнда тек жануарларды өлшейді деп мәлімдейді. Бірақ Круглоозерное кентінің тұрғындары әлеуметтік желілерде көрсеткен бейнелерде автокөлік жуу бөлмесінде ақбөкендердің сойылған еттері ілулі тұр. Көлік жуу жанында киік етін сатып алушылар көліктерінің кезегі қалыптасты.
«ОА» басқа Орал басылымдарының журналистерімен бірге көлік жуу аймағына келген кезде, мұнда да бірнеше көлік жиналды. Олардың иелері мұнда киік етін-килограмына 1200 теңгеден сатып алғысы келетінін айтты. Бірақ оларға бұл түстен кейін ғана болатынын түсіндірді.
Журналистерді көлік жуатын аумаққа кіргізуге Алик Кубеев үзілді-кесілді бас тартты. Ол бұл жеке меншік екенін түсіндірді. Және ол журналистерге ештеңе көрсетпеуге құқылы.
— Бізде Круглоозернойда ет комбинаты жоқ. Өлшеу нүктесі бар. Ет комбинаты Трекинода орналасқан, бізде сою бөлімі бар, — деп түсіндірді кәсіпкер Кубеев. — Мен сендерді ешқайда жібермеймін. Сіздер, бәрібір мардымды ештеңе жазбайсыздар.
Біздің жазылушыларымыз осы көлік жуу орнында түсірген бейнелерін жіберді. Біздің Instagram аккаунтымызды қараңыз.
Оның айтуынша, ақбөкендерді сою қазір Жаңақалада жүріп жатыр. Содан кейін киіктер Круглоозернойда өлшенеді. Кейін қасапханаға апарып олардың терілері алынады. Осыдан кейін «Алтын Алма» базарында ет ветеринариялық зертханада тексеріледі. Осыдан кейін ол сауда нүктелері арқылы сатылады.
Алик Кубеев «Кубеев» ЖК ветеринарлық инспекциясында ет сатуға және сақтауға арналған нөмір алғанын айтты.
— БҚО тұрғындарына ақбөкендер 12 миллиард шығын келтірді. Оларды алу бойынша жұмыс тек қана реттеледі. Ал сіз қазір сенсация іздеп жүрсіз, жұмысымызға кедергі келтіресіз, — деді Алик Кубеев.
Бұл жағдайды түсіндіруде БАҚ облыстық орман шаруашылығы және жануарлар дүниесі аумақтық инспекциясында көмектеспеді. Инспекция басшысы Нұрлан Рахымжанов ватсап мессенджері бойынша журналистің Круглоозернойдағы автожууында киік етін орналастыру және оны өткізу үшін санитарлық жағдайлар бар ма деген сұрақтарына жауап ретінде, сол жерде теринспекция қызметкері жұмыс істеп жатыр деп жауап берді. Алайда журналистке өз қызметкерінің нөмірі берілмеді.
Журналистер Круглоозернойға келген сәтте аумақтық инспекция мамандары болмады. Журналистің қоңырауына Рақымжанов жауап бермеді. Ватсап мессенджеріндегі журналистердің хабарламаларына жауап ретінде ақбөкеннің еті автокөлік жуу орнында қандай жағдайда қабылданатынын және мұнда ветеринар бар-жоғын қалай тексеруге болатындығы туралы ешқандай түсініктеме берген жоқ.
