Қазақстанда шетелдік нөмірлері бар автокөлікті тіркеуге өтініштерді қарау мерзімі шектеледі
ІІМ Қазақстан Республикасының аумағына 1 қыркүйекке дейін әкелінген көлік құралдарының жекелеген санаттарын бастапқы тіркеу және осындай көлік құралдарын әкелуді жүзеге асырған жеке тұлғаларды кеңейтілген міндеттемелерден босату қағидаларына өзгерістер дайындады.
Мәселен, көлік құралын алғашқы тіркеуге беру мерзіміне қарамастан, көлік құралының бастапқы мемлекеттік тіркеуге жататындығы нақтыланады.
Көлік құралдарын ҚР аумағына әкелуді жүзеге асырған жеке тұлғаларды өндірушілердің (импорттаушылардың) кеңейтілген міндеттемелерінен босата отырып, оларды бастапқы тіркегені үшін 200 000 теңге мөлшерінде алым мөлшерлемесін қолдану үшін өтініштерді қабылдау 2023 жылғы 1 шілдеге дейін жүзеге асырылады.
Бұл ретте 1 шілдеге дейін берілген өтініштер 2023 жылғы 31 желтоқсанға дейін қаралуға тиіс екендігі көрсетіледі.
Дереккөз: zakon.kz
