Неге полицияға 900 мың теңгенің массаж креслосы керек
Өңірдің ПД баспасөз қызметі кресло әлі алынбағанын түсіндірді. Алайда, ІІМ бұйрығына сәйкес, ол «қызметкерлердің психологиялық релаксациясы мен психикалық жағдайын түзету үшін» қажет.
Мемлекеттік сатып алу сайтында Оралдағы «Жария» ҚБ тәуелсіз бақылаушысы Самал Оразғалиева полиция департаментінің 900 мың теңгеге массаж креслоларын сатып алу туралы жарияланым тапты.
«Бұл орындық кеңсеге ме, әлде, үйге ме?»- деген сұрақ туындайды Самалда.
Полиция департаментінен ҚР ІІМ 21.04.2008 ж. Nº 147 бұйрығына сілтеме жасай отырып, «Ішкі істер органдары қызметкерлері арасында суицидтің алдын алу» тақырыбында психологиялық ауыртпалықты түсіру бөлмесін жарақтандырудың үлгілік тізбесі бекітілген жауап берілді.
БҚО ПД баспасөз қызметінің хабарламасына сілтеме жасаймыз:
«Кресло қызметкерлердің психологиялық релаксациясы мен психикалық жай-күйін, оның ішінде аутоагрессивті мінез-құлқын түзету үшін, сондай-ақ қызметкерлердің жедел-қызметтік міндеттерін орындағаннан кейін олардың кәсіби жұмысқа қабілеттілігін қалпына келтіруге бағытталған психологиялық оңалту жүргізу үшін қажет. Кресло психологиялық жүктемені түсіру кабинетінде, яғни психолог кабинетінде орнатылады».
Сонымен қатар, облыс пен республикада жыл сайын психологиялық релаксация мен қызметкерлердің психикалық жағдайын теріс түзетуге себептер азайып келеді. Қазақстанда кісі өлтіру 40% – ға, бұзақылық саны 30% – ға төмендеді. Ұрлық, бопсалау, мал ұрлығы, тонау едәуір азайды.
Самал сияқты шенеуніктердің бюджеттік ақша шығындарын қалай жұмсайтынын білгіңіз келе ме? Мемлекеттік сатып алуды бақылау үшін prozakup.kz сайтына өтіңіз -бұл «Kun jarygy» белсенді азаматтық қоғамдастық қауымдастығы. Платформада сіз құқықтық навигаторды, сарапшыларды, білім базасын және бақылау құралдарын таба аласыз.
