Қазақстанда киіктерді әуесқойлықпен аулауға рұқсат етіледі
Экология және табиғи ресурстар министрлігі Жануарлар дүниесін пайдалануға рұқсат беру қағидаларына өзгерістер дайындады.
Сонымен, тізбеге дериваттарды (мүйіздерді) қоспағанда белгіленген аңшылық алқаптардың аумағында киіктерді әуесқойлықпен (спорттық) аулауға рұқсат беру қосылды. Оның үстіне ол бөлінген квота бойынша жүзеге асады.
Белгіленген алқаптардың аумағында киіктерге әуесқойлықпен аңға шығу туралы өтініш жергілікті атқарушы органға беріледі. Ақбөкенді әуесқойлықпен аулауға рұқсат бекітілген нысанда беріледі. Онда бір аталық ақбөкенді аулау көзделген.
Резервтік қордың аумағында киіктерді кәсіптік аулауға лимит биологиялық негіздеме негізінде белгіленеді. Аңшылық алқаптардың резервтік қорының аумағында киіктерге кәсіптік аңшылық жүргізу туралы өтініш жергілікті атқарушы органға да беріледі. Ал резервтік қор аумағында кәсіптік аң аулауға рұқсат бекітілген нысан бойынша беріледі.
Аңшы аңшылықтан кейін ақбөкен өлексесінің мүйіздері мен мүшелерін маркировкасымен белгілейді.
Құжат 20 қарашаға дейін қоғамдық талқылау үшін «Ашық НҚА» сайтына жарияланған.
Еске салсақ, осының алдында Қазақстанда ақбөкендерді аулау мерзімдері жасы мен жынысына, мекендеу ортасына қарамастан 1 қазаннан 20 желтоқсанға дейін ұзартылғанын жазған едік.
