БҚО-да көктайғақ күтілуде
Батыс Қазақстан облысының батысында көктайғақ болады. Түнде және таңертең облыстың солтүстігінде, шығысында тұман түседі.
«Қазгидромет» РМК-ның болжамына қарағанда, 20 қарашада түнде Батыс Қазақстан облысының батысында көктайғақ болады.
Түнде және таңертең облыстың солтүстігінде, шығысында тұман түседі. Шығыстан, оңтүстік-шығыстан жел соғады, түнде облыстың батысында жылдамдығы секундына 15-20 метрге жетеді, күндіз облыстың басым бөлігінде 15-20, облыстың оңтүстігінде екпіні 23 м/с болады.
Оралда 20 қарашада түнде және таңертең тұман түседі. Шығыстан жел соғады, күндіз екпіні 18 м/с.
Ауыспалы бұлттылық күтілуде. Күндізгі уақытта ауа температурасы 0 …+ 2 градус, түнде -5 …-7 градусқа дейін салқындайды.
