БҚО жолдарында 39 жүргізуші мас күйінде болған
Ал, 29 жүргізушінің көлікті басқаруға құқығы болмаған.
Өңірде жедел профилактикалық іс-шаралар өтуде. Тек кезекші тәулікте полицейлер 95 қылмысты ашты, оның 30-ы бұрын жасалған. Тыйым салынған заттарды алып жүргені үшін 16 адам ұсталды, олардың біреуінен кастет табылды. 16 қару тәркіленді.
Орал қаласының 214 тұрғыны қоғамдық орындарда мас күйінде болған. Олар уақытша бейімделу және детоксикация орталығына орналастырылды.
– Қылмыстық полиция қызметкерлері іздеуде жүрген төрт қылмыскерді ұстады. Полицейлер үш мыңнан астам әкімшілік құқық бұзушылықты анықтады. Қоғамдық пайдалану орындарын ластағаны үшін 204 адам және алкоголь ішкені үшін 232 адам тартылды, — деп түсіндірді ведомствода.
Облыс жолдарында 39 жүргізуші мас күйінде ұсталды, 29 жүргізушінің көлікті басқаруға құқығы болмаған.
