Оралда көлік қаққан ер адам қаза тапты
Апат 28 қарашада сағат 8: 00 шамасында болды. Төртінші шағын ауданындағы Желаево тас жолында ер адамды көлік қағып кеткен.
Болжам бойынша, қайтыс болған адам шамамен 60 жаста, ол жолды белгіленбеген жерден кесіп өтпек болған. Осы сәтте өтіп бара жатқан Toyota жүргізушісі жаяу жүргіншіні байқамай, оны қағып өткен. Екпінмен лақтырылған ер адам жолдың қарама-қарсы жағындағы ГАЗель көлігінің астына түскен.
Toyota жүргізушісінің айтуынша, сыртта қараңғы болды.
– Қараңғылық кезінде, ол қара киімде болды. Мен оны көрмедім, бампермен бе, айнамен бе, іліп кеттім. Ол көпірге қарай жүріп келе жатқан ГАЗель дөңгелегінің астына түсті. Ол 60 жас шамасында», – дейді шетелдік көліктің жүргізушісі.
Денсаулық сақтау басқармасының баспасөз қызметінің мәліметінше, жаяу жүргінші оқиға орнында жедел жәрдем келгенге дейін қаза тапқан. Оқиға орнына келіп жеткен дәрігерлер адам өлімін тіркеді.
Полиция департаментінің баспасөз қызметі оқиғаның мән-жайын анықтап жатқанын хабарлады. Сотқа дейінгі тергеу басталды.
