Қазақстанға шетелде тіркелген көліктерді әкелу ережесі бекітілді

Басқа елде тіркелген автокөліктерді Қазақстанға әкелу «Қазақстан Республикасының мемлекеттік шекарасы туралы» ҚР Заңына сәйкес өткізу пункттері арқылы жүзеге асырылады. 

«ОА» мұрағатынан

Қазақстанда шетелде тіркелген машиналарды ел аумағына әкелу ережелері мен талаптары бекітілді, деп жазады ҚР НҚА эталондық бақылау банкі.

Құжатқа сәйкес, басқа елде тіркелген автокөліктерді Қазақстанға әкелу «Қазақстан Республикасының мемлекеттік шекарасы туралы» ҚР Заңына сәйкес өткізу пункттері арқылы жүзеге асырылады. Оның шарттары бойынша, мынадай құжаттар болуға тиіс:

1. автокөлік құралын мемлекеттік тіркеу туралы куәлік;

2. автокөлік иесінің мәліметтері, көлікті сәйкестендіру белгілері, жеткізу орны туралы мәліметтер және осындай көлікті қабылдау шарттары (автокөлік құралдарын тасымалдау жөніндегі қызметтерді пайдалана отырып, авто әкелген жағдайда) қамтылған автокөлік құралын ҚР аумағына тасымалдау туралы қызметтер көрсетуге арналған шарт;

3. ЕАЭО-ға мүше мемлекеттерде тіркелген автомобильдердің сәйкестендіру белгілері және оларды тіркеу есебі туралы көлік құралдарының электрондық паспорттары (көлік құралдары шассиінің паспорттары) жүйесінен және өздігінен жүретін машиналардың және басқа да техника түрлерінің электрондық паспорттарынан мәліметтер.

Осы құжаттарды тексеруді өткізу пункттерінде ҚР Мемлекеттік кіріс органдары және ҚР ҰҚК Шекара қызметі жүзеге асыратыны айтылады. Ведомстволар құжаттардағы мәліметтерді Шекара қызметінің ақпараттық жүйесіне енгізеді, олар ҚР Ішкі істер органдарының ақпараттық жүйесімен интеграциялау арқылы автоматты режимде халықаралық іздестіруде немесе іздестіруде болу мәніне тексеруден өтеді.

Көлік іздеуде болған жағдайда, Шекара қызметі оны аумағы бойынша ҚР ішкі істер органдарына береді, онда ол заттай дәлелдемелерді, алынған құжаттарды, ұлттық және шетел валютасындағы ақшаны, есірткі құралдарын, қылмыстық істер бойынша психотроптық заттарды алып қою, есепке алу, сақтау, беру және жою қағидаларының 38-тармағында айқындалған тәртіппен сақталады. Бұл рәсімдерді сот, прокуратура, қылмыстық қудалау және сот сараптамасы органдары орындайды.

Сондай-ақ ҚР Мемлекеттік кіріс органдары құжаттарды тексереді және рұқсат белгісін қояды. Алайда аталған құжаттардың біреуі болмаған жағдайда рұқсат белгісі қойылмайды.

«Басқа мемлекеттің құзыретті органында тіркелген автокөлік құралдарының Қазақстан Республикасының аумағына кіруін (әкелуін) Мемлекеттік кірістер органдарының және өзге де бақылаушы органдардың Қазақстан Республикасына Көлік құралдарын әкелу құқығына рұқсат белгісі болған кезде шекара қызметі жүзеге асырады.

Мемлекеттік кіріс органдары мен өзге де бақылаушы органдардың Қазақстан Республикасына Көлік құралдарын әкелу құқығына рұқсат белгісі болмаған жағдайда Шекара қызметі басқа мемлекеттің құзыретті органында тіркелген автокөлік құралдарының Қазақстан Республикасының аумағына кіруіне (әкелуіне) жол бермейді», – делінген құжатта.

Қазақстанда басқа елде тіркелген көліктерді пайдалану

Қазақстанда басқа мемлекеттің құзыретті органында тіркелген автокөлік құралдарын пайдалануға мына жағдайларда рұқсат етіледі:

  • тиісті құжаттар мен мемлекеттік тіркеу нөмір белгілерін бере отырып, автокөлік құралдарын мемлекеттік тіркеу және есепке алу;
  • автокөлік құралдарын міндетті техникалық байқаудан өткізу;
  • ҚР аумағы бойынша халықаралық қозғалысқа жіберу үшін шарттарды орындау;
  • автокөлік құралдары иелерінің азаматтық-құқықтық жауапкершілігін міндетті сақтандыру.

«Басқа мемлекеттің құзыретті органында тіркелген, халықаралық жол қозғалысына қатысатын және Қазақстан Республикасына бір жылдан аспайтын мерзімге әкелінетін автокөлік құралдары міндетті мемлекеттік тіркеуге жатпайды», – делінген қаулыда.

Сондай-ақ құжатта автомобиль көлік саласындағы кәсіпкерлік қызметте пайдаланылмайтын, шығарылған жылын қоса алғанда, шыққан жылы жеті жылдан аспайтын M1 санатындағы көлікті қоспағанда, басқа мемлекетте тіркелген, міндетті техникалық байқаудан өтпеген автокөліктер пайдалануға жатпайтыны айтылған. M1 санатындағы көліктерге жолаушыларды тасымалдау үшін пайдаланылатын және жүргізуші орнынан басқа сегіз орыннан аспайтын көлік құралдары жатады.

Бұл талаптар Қазақстанға әкелінген күннен бастап қатарынан 90 күнтізбелік күннен кем ҚР аумағы бойынша халықаралық қозғалысқа қатысатын авто және олардың тіркемелеріне қолданылмайды.

Көлік «Жол қозғалысы туралы» ҚР заңының 65-бабының 1-тармағында көзделген талаптарға сәйкес келген жағдайда, ол ҚР аумағы бойынша халықаралық қозғалыста деп саналады. Халықаралық қозғалысқа қатысатын көлік Қазақстан аумағында мемлекеттік шекарадан өткен сәттен бастап бір жылға дейін бола алады. Мерзім өткеннен кейін халықаралық қозғалыстағы машиналар ұзақтығы кемінде 30 күнтізбелік күн болатын үздіксіз мерзімге ҚР шегінен тыс шығарылуға тиіс.

Халықаралық қозғалыстағы көліктерді Қазақстан аумағында жол қозғалысына қатысуға жіберу ҚР ратификациялаған халықаралық шарттардың және ҚР заңнамасының талаптарына сәйкес берілген жағдайда жүзеге асырылады. Талаптар мынадай:

  • автокөлік құралын, тіркемені мемлекеттік тіркеу туралы куәлік;
  • автокөлік құралының мемлекеттік тіркеу нөмірлік белгісі; мемлекеттің айрықша белгісі;
  • автокөлік құралының тану белгісі;
  • автокөлік құралының техникалық байқаудан өту фактісін растайтын құжат;
  • автокөлік құралы иесінің азаматтық-құқықтық жауапкершілігін міндетті сақтандыру шарты;
  • ЕАЭО-ға мүше мемлекеттерде тіркелген автокөлік құралдарының сәйкестендіру белгілері және оларды тіркеу есебі туралы көлік құралдарының электрондық паспорттары (көлік құралдары шассиінің паспорттары) жүйесінен және өздігінен жүретін машиналардың және басқа да техника түрлерінің электрондық паспорттарынан мәліметтер.

Қаулы алғашқы ресми жарияланған күнінен кейін күнтізбелік 10 күн өткен соң, яғни 9 желтоқсаннан бастап қолданысқа енгізіледі.

Қазақстанда шетелдік автокөліктерді заңдастыру

Елге 2022 жылдың 1 қыркүйегіне дейін әкелінген шетелдік автомобильдерді заңдастыру биылғы қаңтарда басталған еді. Өтінімдерді қабылдау 1 шілдеден бастап тоқтатылды. 1 шілдеге дейін өтінім берген қазақстандықтарға көрсетілген мерзімнен кейін автомобильдерді заңдастыру құқығы берілді.

Сондай-ақ ІІМ жария ету мерзімін ұзартпайтынын бірнеше рет қайталап мәлімдеген болатын. Мамыр айында Қазақстанда құранды автокөліктерді заңастыруға рұқсат етілді. Тиісті қаулыны үкімет қабылдады.

Елімізге жеткізіліп, заңдастырылған көліктердің ең көп үлесі Кеден одағындағы үш елден екені анықталды, бұл – Ресей, Армения және Қырғызстаннан әкелген көліктер. Бұл туралы биылғы шілдеде хабарланған.

Тамыз айында ІІМ 2022 жылдың 1 қыркүйегінен кейін Қазақстанға әкелінген шетелдік автомобильдер бұрынғыдай автосақтандыру бойынша жүре алмайтынын хабарлаған.

Осы айдың басында ІІМ шетелдік автокөліктерді тіркеуге 1 шілдеге дейін өтінім берген қазақстандықтарға рәсімнің мерзімі аяқталатынын еске салды.

«Заңдастырудың біржолғы сипатын ескере отырып, автокөлік иелеріне 2023 жылғы 1 шілдеге дейін берілген өтінімдер биылғы 31 желтоқсанына дейін ғана қаралатынын хабарлаймыз», – деп хабарлаған еді ведомстводағылар.

Помогите нам рассказывать правду

Наши журналисты не боятся добывать правду, чтобы показывать ее вам. В стране, где власти постоянно хотят что-то запретить, в том числе - запретить говорить правду, должны быть издания, которые продолжают заниматься настоящей журналистикой.

Мы хотим зависеть только от вас — тех, кто хочет знать правду, тех, кто не боится быть свободным. Помогите нам рассказать вам правду.

Пожалуйста, поддержите нас своим вкладом в независимую журналистику!

Это просто сделать.

Можете нас поддержать через KASPI GOLD, отправив свою сумму на номер 8 777 761 02 61

Authorization
*
*
Registration
*
*
*
A password has not been entered
*

two × 5 =

x
2024-03-02
Утром-13.54 ℃
Днем-4.55 ℃
Вечером-7.66 ℃
Ночью-12.17 ℃
Влажность86 %
ДавлениеhPa 1036
Скорость ветра2.88 м/с
2024-03-03
Утром-14.08 ℃
Днем-6.32 ℃
Вечером-8.87 ℃
Ночью-14.3 ℃
Влажность87 %
ДавлениеhPa 1036
Скорость ветра3.25 м/с