Қазақстанда 19 мыңнан астам адам қызылшамен ауырып жатыр
Оның 81%-тен астамы, яғни 15 807-сі 14 жасқа дейінгі балалар.
Қазақстанда 4 желтоқсанында қызылшаның 19 471 жағдайы тіркелді, деп хабарлайды денсаулық сақтау министрлігі.
Оның 81%-тен астамы, яғни 15 807-сі 14 жасқа дейінгі балалар.
«Қызылша еліміздің барлық аймағында тіркеліп жатыр. Әсіресе 4 өңірде сырқаттанушылық жоғары деңгейде, олар Шымкент – 3021 жағдай. Алматы қаласында – 2960, Жамбыл облысы — 2642 жағдай және Алматы облысы – 1687 жағдай», — дейді ведомстводағылар.
Республика бойынша сырқаттанғандардың 83% вакцина алмаған балалар. Министрлік мәліметінше, ауырған 15807 баланың 13 180 екпе алмаған.
«Биыл 6 қарашадан бастап қызылшаға, қызамыққа және паротитке қарсы 6-10 айлық балаларға, 2 жастан 4 жасқа дейінгі балаларға және вакцинацияланбаған медицина қызметкерлеріне қарсы қосымша жаппай иммундау басталды. Бүгінгі күні 179 680 адам вакцина алды, яғни қызылшаға, қызамыққа және паротитке қарсы вакцина алғандар саны 12%-ке жетті», — деді министрліктің баспасөз қызметі.
