БҚО жол бойында тұрған екі адамды көлік қағып кетті
Апат салдарынан Opel жанында тұрған екі адам сол жерде қайтыс болды.
Бүгін сағат 09:00 шамасында қалалық зиратқа қарама-қарсы 23 жастағы «Toyota Ipsum» маркалы автокөлік жүргізушісі жылдамдық режимін бұзып, «Қауіпті бұрылыс» белгісінің талабын елемей, жол бойында тұрған «Opel»көлігімен соқтығысуға жол берді. Осы уақытта Opel жүргізушісі дөңгелекті ауыстыру үшін тоқтаған болатын.
Апат салдарынан «Opel» көлігінің жанындағы жүргізуші мен жолаушы оқиға орнында алған жарақаттардан қайтыс болды. «Тойота» жүргізушісінің жағдайы туралы белгісіз.
ҚР ҚК-нің 345-бабы «Жол қозғалысы ережелерін бұзу» бойынша сотқа дейінгі тергеу жүргізілуде.
