Оралда тағы да электр қуатына тарифті көтеруді сұрайды
«Батыс Энергоресурстар» ЖШС жылына осымен екінші рет электр энергиясына тарифті көтеруді сұрайды.
«Батыс Энергоресурстар» ЖШС электр энергиясына тарифті көтеруге өтінім берді. Бұл туралы БҚО бойынша Табиғи монополияларды реттеу комитетінің департаментінде хабарлады.
Ведомствоның ақпараты бойынша, 22 желтоқсанда сағат 11:00-де «Батыс Энергоресурстар» ЖШС-нің бөлшек саудадағы электр энергиясына шекті бағалардың алдағы өзгеруі туралы өтінімін қарау бойынша жария тыңдау өтеді.
Белгілі болғандай, кәсіпорын олардың қызметтерінің құнын 1 кВт/сағ электр энергиясы үшін төрт теңгеге (шамамен 20%) арттыруды сұрайды. Егер монополистке жаңа тариф бекітілсе, онда бұл бір жылдағы екінші өсім болады. БҚО-да электр энергиясының құны осы жылдың қазан айында қымбаттады. Бүгінгі таңда тұрмыстық тұтынушылар үшін 1 кВт/сағ электр энергиясы ҚҚС есебімен 24,61 теңге тұрады.
«Батыс Энергоресурстар» электр энергиясын арттыруға өтінімін электр энергиясын тасымалдау құнының артуына, сондай-ақ есеп айырысу-қаржы орталығы қызметтеріндегі өзгерістерге түрткі болады.
Көпшілік тыңдау Есқалиев көшесі, 177 үйдің алтыншы қабаттағы конференц-залда өтеді. Оған тұтынушылар мен барлық мүдделі тұлғалар қатыса алады. Бұдан басқа, тыңдау БҚО бойынша БҚРМ-нің Facebook-тегі ресми парақшасында онлайн режимінде таратылатын болады.
Естеріңізге сала кетейік, бірінші қазаннан бастап «Батыс Энергоресурстар» ЖШС электр энергиясына тарифті көтерді. Биылғы жылы «ЖайықЖылуҚуат» АҚ қызметтерінің бағасы да көтерілді. Олар тағы бір рет өтініш берді, ол қарастырылып жатыр. Тамыз айында «Батыс Қазақстан аймақтық электр желілік компаниясы» ЖШС қызметтерінің тарифі көтерілді. Келесі жылдың бірінші қаңтарынан бастап кәсіпорынның қызметтері қайтадан қымбаттады. Тариф алдағы бес жылға жыл сайынғы өсіммен бекітілді. Әрине, «Батыс Энергоресурстар» ЖШС өтінімі осыған байланысты.
Сонымен қатар, «Батыс Су арнасы» ЖШС тарифі бірден 50% – ға өсті. Әкімдікте де қоғамдық көлікте жол жүру құнын 20 теңгеге көтеру туралы түпкілікті шешім қабылданды.
