Орал әкіміне ақшалай өндіріп алу салынды
Ұйғарым заңды күшіне енген жоқ.
Сот шешімін орындау міндетті болып табылады,- деп хабарлайды Батыс Қазақстан облыстық сотының баспасөз қызметі.
ҚР ӘРПК-тің ҚР АПК-нен айрықша белгілерінің бірі сот актісін шығарған судьялардың сот бақылауы болып табылады. Тараптардың әкімшілік істер бойынша іс жүргізу міндеттерін орындамау фактілері анықталған кезде сот ақшалай жаза қолдануға құқылы.
Мәселен, сот шешімін орындамағаны үшін БҚО Мамандандырылған ауданаралық әкімшілік сотымен әкімге 50 АЕК мөлшерінде ақшалай өндіріп алу түріндегі процесстік мәжбірлеу шарасы қолданылды, бұл 153.150 теңгені құрайды.
Іс материалдарынан БҚО МАӘС-ның 2022 жылғы 25 наурыздағы шешімімен Ж.азаматының талабы қанағаттандырылды, тұрғын үй комиссиясының тұрғын үй беруден бас тарту туралы шешімі заңсыз деп танылды және күші жойылды. Жауапкерге Ж.азаматына мемлекеттік тұрғын үй қорынан тұрғын үй беру туралы шешім беру міндеті жүктелген. Алайда, 2023 жылғы 27 қазанда талапкерден сот шешімі орындалмағаны туралы арыз түсті.
Осылайша, жауапкердің сот шешімін тиісінше орындамауы ақшалай өндіріп алу қолдануға негіз болып табылды.
