«Дәлелдерімді ескермеді»: “Немолчи.kz” қорының басшысы Дина Таңсәрі алаяқтық бойынша қозғалған істерге қатысты түсініктеме берді

Қазіргі уақытта Таңсәрі күйеуі екеуі саяси баспана сұраған Еуропа мемлекетінің аумағында. Ол Қазақстанда тек NeMolchi.kz қорының қызметі үшін ғана қудаланып жатқанына сенімді.

«НеМолчи.kz» қорының жетекшісі Динара Смаиловаға (Таңсәрі) қарсы «Жалған ақпарат тарату», «Жеке өмiрге қол сұғу, дербес деректер және оларды қорғау туралы заңнаманы бұзу», «Алаяқтық» бабы бойынша қылмыстық істер тергеліп жатыр. Істі Алматы қаласы, Шығыс Қазақстан және Алматы облыстарының полициясы жүргізуде.

Тергеушілер оның қазақстандықтар зорлық-зомбылық құрбандарына көмекке аударған қордың ақшасын жеке қажеттіліктеріне жұмсағанына сендіреді.

Осы жайттардан кейін Динара Смайылова өзінің Facebook-парақшасында адвокаттардан көмек сұрады. Айтуынша, оның жұбайы екеуінің шоттары бұғатталған, сондықтан олар ақылы заң көмегіне жүгіне алмай отыр.

Желі қолданушылары Динара Смайыловадан не себепті тергеуде аударымдар мен шоттарды, барлық есептерді бермей жатқанын сұрады. Бірақ белсенді тергеушілер тек кейбір посттарды ғана іске қосқанын айтады.

“Барлық есепшоттар мен аударымдар бар, бірақ олар мені тіпті сұрамады, істің басталғанын хабардар етпеді, менің дәлелдерімді тыңдамады, есептерімді зерттемеді. Олар тек есептер жоқ таңдаулы посттарды іске қосқан», — деді Немолчи басшысы.

27 желтоқсанда сәл ертерек Смаиловаға Қазақстанда іздеу жарияланғаны белгілі болған еді. Ізінше тергеу органдары оны қамауға алу туралы сотқа өтініш түсіргені хабарланды.

ОҚИ ОТЫРЫҢЫЗ: Немолчи.kz қорының жетекшісіне қатысты «Алаяқтық» бабымен қылмыстық іс қозғалды