Қазақстан бүгіннен бастап ҰҚШҰ төрағасы болды
2024 жылғы 1 қаңтардан бастап Қазақстан ұжымдық қауіпсіздік туралы шарт ұйымының төрағасы болды.
Қасым-Жомарт Тоқаев Қазақстан ұйымға төрағалығы кезінде нақты қандай бағыттарға басымдық беретінін 23 қарашада ҰҚШҰ кеңесінің отырысында айқан еді. Олар:
- әскери кадрларды даярлаудағы ынтымақтастықты жалғастыру;
- ҰҚШҰ-ның бітімгершілік әлеуетін ашу;
- халықаралық терроризм мен экстремизмге қарсы іс-қимыл жөніндегі ынтымақтастықты дамыту;
- есірткі трафигімен және психотроптық заттармен, оның ішінде синтетикалық заттармен күрес;
- қару-жарақтың заңсыз айналымына және ұйымдасқан трансұлттық қылмысқа қарсы күрес;
- ТЖ салдарының алдын алу және жою мәселесі бойынша ынтымақтастықты тереңдету;
- ақпарат технологиялары саласындағы қылмыстарға қарсы іс-қимыл.
Сондай-ақ, Қазақстан президенті ҰҚШҰ ұжымдық күштерін жедел өрістету мәселелері бойынша, атап айтқанда, әскери контингенттердің кедергісіз және тоқтаусыз транзиті жөнінде нормативтік-құқықтық базаны пысықтауға шақырды.
