БҚО аумағында қарлы жаңбыр жауады деп күтілуде
Қар, боран және көктайғақ аптаның соңына дейін болады.
«Қазгидромет» РМК деректері бойынша екінші қаңтар күні Батыс Қазақстан облысының солтүстігінде, шығысында жауын-шашын болжанады. Облыстың батысында, солтүстігінде қарлы боран, көктайғақ күтіледі. Жел оңтүстік-шығыс, оңтүстіктен күндіз облыстың батысында екпіні секундына 14 метрге дейін жетеді.
Орал қаласында жауын-шашын, қарлы боран мен көктайғақ болады деп болжануда. Күндізгі уақытта ауа температурасы -2 ..-4 градус болады, түнде -5 ..-7 градусқа дейін салқындайды. Жел секундына 14 метрге дейін жетеді.
