Балаға қатысты дерек egov.kz порталында болмаса не істеу керек?
Қазақстандық әр бала Ұлттық қордан төлем алады. Бүгінгі күні eGov mobile мобильді қосымшасы деректер базасында тіркелген барлық балаларды көрсетеді.
Дегенмен деректер қате болатын жағдайлар да бар.
Сирек жағдайларда балалар туралы ақпарат ата-аналардың цифрлық құжаттарында жоқ немесе дұрыс көрсетілмейді, бірақ бұл олар төлем алмайды дегенді білдірмейді. Бұл тек ата-ана мен бала арасындағы қарым-қатынастың анықталмағанын білдіреді, — деп хабарлады «Азаматтарға арналған үкімет» өкілдері.
Ақпаратты түзету үшін eGov Mobile қосымшасын соңғы нұсқаға жаңарту керек, цифрлік құжаттардағы «Отбасы» бөліміне өтіп, «баланы қосу» түймесін басу керек. Осыдан кейін «Балалар туралы ақпаратты жаңарту» қызметі ашылады, ондағы барлық жолдарды толтырып, туу туралы куәлікті тіркеп, өтініш беру қажет.
Өтініштерді АХАЖ қызметкерлері 2-ден 5 жұмыс күн ішінде қарастырады.
ОҚИ ОТЫРЫҢЫЗ: Қазақстандықтарға eGov порталындағы өзгенің балалары тіркелген ақпаратқа қатысты түсініктеме берді
Балаға берілетін жәрдемақы – 2024: кімге, қалай және қанша төленеді
