БҚО-да ертең -30 градусқа дейін аяз болмақ
Орал қаласында күндіз ауа температурасы -17 градус, түнде -30 болады, жел секундына 14 метрге дейін жетеді деп күтілуде.
Сонымен қатар, Батыс Қазақстан облысында ауа райының нашарлауына байланысты республикалық жол жабылды.
«ҚазАвтоЖол» ҰК» АҚ БҚО филиалының мәліметі бойынша 10 қаңтар күні сағат 17.00-ден бастап республикалық маңызы бар Орал-Атырау жолы (Орал қаласынан Ақжайық ауданына дейін, 492-375 км) жүк және қоғамдық көліктер үшін жабылды.
Жабылу себебі – жолдың нашар көрінуі, жел.
Осыған байланысты БҚО ТЖ департаменті облыс тұрғындарына сақ болу керектігін ескертеді.
«Қазгидромет» РМК-ның мәліметіне сәйкес 11 қаңтарда облыстың батысы мен оңтүстік-батысында тұман түсуі ықтимал. Сондай-ақ күндіз кей жерлерде көктайғақ болып, бұрқасын көтерілуі мүмкін. Желдің екпіні секундына 15-20 метрге жетеді.
