БҚО-да өмірлік қиын жағдайға тап болған 12 отбасы анықталды
Тұрмыстық зорлық-зомбылық жасағаны үшін 88 адамға айыппұл салынды.
БҚО полиция департаменті отбасылық-тұрмыстық жанжал жағдайлары болған отбасыларды үш күндік тексеру қорытындысы бойынша ішкі істер органдарына 59 адам есепке қойылғанын хабарлады. Сот арқылы тағы екі адам алкогольге тәуелділіктен емделуге мәжбүр болады.
– Тұрмыстық зорлық-зомбылықтан қорғау үшін 99 ұйғарым шығарылып, есертуді бұзушыларға 32 талап қойылды, оның ішінде 27-сіне алкогольге тыйым салынды. Отбасындағы бұзушылықтар үшін 88 адам әкімшілік жаза алды. Сегіз іс кәмелетке толмағандардың істері жөніндегі комиссияның қарауына жіберілді, — деп хабарлады ведомстводан.
«ЖПІШ «(жедел-профилактикалық іс-шаралар) барысында өмірлік қиын жағдайға тап болған 12 отбасы анықталды. Оларға мемлекет пен жұртшылықтан көмек көрсетілді.
