Маштаково өткізу пунктінде жүк көліктерін өткізу шектелді

Жол жүру шамамен 21 қаңтарда сағат 13.00-ге дейін тоқтатылды.

БҚО бойынша Шекара қызметінің баспасөз қызметі Ресей Федерациясында ауа-райының нашарлауына байланысты Самара-Тольятти тас жолында жүк көліктерінің қозғалысы шектелгенін хабарлады. Жолда қарлы боран мен көктайғақ бар.

– Осыған байланысты Маштаково халықаралық автомобиль өткізу пунктінде Қазақстаннан Ресейге келе жатқан жүк көлік құралдарын өткізу шектелген. Осы бағытта жүргенде балама қозғалыс бағыттарын таңдауыңызды сұраймыз, – деп хабарлады Шекара қызметі.

Шамамен жол жүру 21 қаңтарда сағат 13.00-ге дейін тоқтатылды.

Сіз мемлекеттік шекарадан «Ақсай»-«Елек», «Шаған»-«Теплое», «Тасқала»-«Озинки»өткізу пункттерінен өте аласыз.

Батыс Қазақстан облысының солтүстігінде, шығысында және орталығында көктайғақ. Облыстың оңтүстігінде тұман. Желдің екпіні 15-20 м/с жетеді.

Сонымен қатар, БҚО ауа райының қолайсыздығына байланысты республикалық маңызы бар автожолдардында көліктің барлық түрлері үшін қозғалысқа шектеу енгізілді.

• «Орал-Тасқала-РФ шекарасы» 4-104 шақырым, Орал қаласы – РФ шекарасы – 100 шақырым.
• «Самара-Шымкент» 195-246 шақырым, РФ шекарасы – Орал қаласы – 51 шақырым.
• Федоровка-Ақсай тас жолы жабық. Күшті боран.