БҚО трассалары жаңбыр мен қатты желдің салдарынан жабылды

Көлік құралдарының барлық түрлері үшін қозғалыс шектеулі.

«ҚазАвтоЖол» ҰК » АҚ БҚОФ мәліметтері бойынша, 20 қаңтар күні кешке облыс аумағында ауа райының нашарлауы байқалды. Аймақтың жолдарында кей жерлерде қатты жел соғып, көктайғақ пайда болды. Сонымен қатар, нөлден төмен температурада жаңбыр жауып тұр.

Осыған байланысты трассалардың келесі учаскелері бойынша қозғалысты шектеу туралы шешім қабылданды:

Батыс Қазақстан облысында – 6 учаске

1. «Орал-Тасқала-РФшек.» 4-104 км, Орал қ. -РФ шек. – 100 км.

2. «Атырау-Орал» 375-492 км, Чапаево а. — Орал қ. – 117км.

3. «Чапаево-Жалпақтал-Казталовка» 0-213 км, Чапаево а. -Казталовка а. – 213 км.

4. «Казталовка-Жәнібек-РФ шек.» 0-158 Казталовка а. -Жәнібек а. – 158км.

5. «Подстепное-Федоровка РФ шек.» 0-36 км, Подстепное а. — Федоровка а. – 36 км. (екпінді жел, бұрқасын, шектеулі көрініс).

6.«Самара-Шымкент» 195-246 км, РФ шек. — Орал қ. – 51 км. (РФ ауа-райының қолайсыздығына байланысты).

Ағымдағы сағатта республикалық маңызы бар автожолдарды қысқы күтіп-ұстауға 289 бірлік техника және 460 жолшы жұмылдырылған.