БҚО-да екі апта ішінде 59 мас жүргізуші ұсталды
Бұған дейін төрт жүргізуші жүргізуші куәлігінен айырылған. Оларға қатысты ҚР ҚК 346-бабы бойынша сотқа дейінгі іс жүргізу қозғалды.
16-31 қаңтар аралығында облыс аумағында «Қауіпсіз жол» жедел-алдын алу іс-шарасы өткізілді. Осы кезеңде жол қозғалысы ережелерін 3 мыңнан астам түрлі бұзушылықтардың алдын алды, деп хабарлады БҚО ПД баспасөз қызметі.
Жол апаттарын талдау олардың негізгі себептері жол қозғалысы ережелерін өрескел бұзу болып қала беретінін көрсетеді, атап айтқанда жылдамдық режимін, басып озу ережелерін, қарсы жүруді, маневр жасауды, қиылыстар мен жаяу жүргіншілер өткелдерін сақтамау. Сондай-ақ, полицейлер мас жүргізушілердің кінәсінен апаттар жиі болатынын айтады.
— ҚР ӘҚБтК 608-бабы бойынша мас күйінде көлік құралдарын басқарғаны үшін 59 жүргізуші ұсталды. Сонымен қатар, бұған дейін төрт жүргізуші жүргізуші куәлігінен айырылған. Оларға қатысты ҚР ҚК 346-бабы бойынша сотқа дейінгі іс жүргізу қозғалды,-деп хабарлады ПД баспасөз қызметі.
Жыл басынан бері облыс жолдарында 22 жол-көлік оқиғасы тіркелді, соның салдарынан 17 адам қаза тауып, 39 адам түрлі дәрежеде жарақат алды.
