БҚО-да ауа-райының қолайсыздығына байланысты кейбір жолдар жабылды
Көлік қозғалысы барлық көлік түрлері үшін жабық.
«ҚазАвтоЖол» ҰК » АҚ деректері бойынша, 12 ақпанда сағат 17.00-ден бастап ауа-райының нашарлауына байланысты Республикалық маңызы бар Чапаев-Жалпақтал және Казталовка-Жәнібек-РФ шекарасы трассаларында қозғалыс жабылды. Аймақта нөлдік температурада боран мен жаңбыр бар. Қозғалыс барлық көліктер үшін жабық.
«ҚазАвтоЖол» қазақстандықтарға ұзақ жолға шықпауды ескертті.
«Құрметті жүргізушілер! Қауіпсіздік мақсатында жол жүру ережелерін қатаң сақтап, төтенше жағдай кезінде ауа райының қолайсыздығын ескеріп, ұзақ жолға шықпауларыңызды сұраймыз. Барлық шұғыл ақпарат Сапар мобильді қосымшасында орналастырылып жатыр, сондай-ақ 1403 қысқа номері бойынша тәулік бойы call-орталық жұмыс істейді», – делінген хабарламада.
