Қазақстанда бензин мен дизель отынының шекті бағасын белгілеу жоспарланып отыр
Энергетика министрлігі «Бағаны мемлекеттік реттеу белгіленген стационарлық жанар-жағармай құю станциялары үшін мұнай өнімдерін бөлшек саудада өткізудің шекті бағаларын белгілеу туралы» бұйрыққа тиісті түзетулер жобасын дайындады.
«Ашық НҚА» порталында Энергетика министрі Алмасадам Сәтқалиевтің бұйрығының жобасы орналастырылды. 28 ақпанға дейін қоғамдық талқылау болады.
Жобада бағаны мемлекеттік реттеу белгіленген стационарлық автожанармай құю станциялары арқылы мұнай өнімдерін бөлшек саудада өткізуге шекті бағаларды қосылған құн салығын ескере отырып, мынадай мөлшерде белгілеу ұсынылады:
– АИ маркалы бензин-литріне 80 – 89 теңге;
– АИ-92 және АИ-93 маркалы бензин – литріне 205 теңге;
– дизель отыны (жазғы, маусымаралық) – литріне 295 теңге (қазақстандықтар үшін де, шетел азаматтары үшін де).
Айта кетейік, бензин мен дизель отынының бағасы 2023 жылдың сәуір айы деңгейінде сақталып отыр.
«Осы бұйрық ресми жарияланған күннен бастап күнтізбелік он күн өткен соң қолданысқа енгізіледі», — делінген жоба мәтінінде.
Айта кетейік, шетелдіктер үшін жазғы дизель отынының шекті бағасы — 450 теңге, қазақстандықтар үшін — 295 теңге.
