БҚО-ның «Сырым» өткізу пунктінде ауыр жүк көліктерінің жиналуы ауа-райына байланысты

Қатты боран мен қардың салдарынан бірнеше республикалық жолдар жабылды және қазір жолдар ашылғаннан кейін шекара бекеттерінде жүк көліктері жиналып қалды.

Елдің солтүстік облыстарында ауа райының бұзылуына байланысты республикалық және облыстық деңгейдегі жолдарда көліктердің қозғалысы уақытша шектетілді. 

Қазіргі уақытта жағдай тұрақтандырылды.

Көлік жолдарының ашылуына байланысты, жекелеген бағыттарда:

• Қазақстан-Қырғыз учаскесі («Қарасу» өткізу пункті);
• Қазақстан-Өзбекстан учаскесі («Тәжен», «Қазығұрт» өткізу пункттері);
• Қазақстан-Ресей учаскесінде («Сырым» өткізу пункті) көлік құралдарының кептелісі байқалады.

Сонымен бірге ҰҚК Шекара қызметі қазақстандық өткізу пункттері штаттық режимде жұмыс істейтінін хабарлайды. Көлік құралдарын жүргізушілерге қалыптасқан ахуалды ескере отырып, қозғалыс бағыттарын түзету ұсынылады.