Қазақстанда ата-аналар балалардың автобустарда билетсіз жүргені үшін жазалануы мүмкін
Қазақстанда автобус жүргізушілеріне 16 жасқа дейінгі балаларды мәжбүрлеп түсіріп тастауға тыйым салу жоспарлануда. Сонымен қатар, балаларын қоғамдық көлікте жүруге қажетті сомамен қамтамасыз етпеген ата-аналар үшін жаза енгізу мүмкіндігі қарастырылуда.
ҚР Ішкі істер министрлігінің ресми өкілі Шыңғыс Алекешев атап өткендей, бұл норма бірінші кезекте балалардың қауіпсіздігі үшін енгізіледі.
– Қоғамдық көліктің жүргізушісі немесе кондукторы полицияны, қорғаншылық және қоғамдық тәртіп органдарының өкілдерін шақыратын болады. Осыдан кейін баланың автобуста билетсіз жүруінің себебі анықталады. Егер ата — аналардың кінәсі анықталса, яғни олардың баласының қоғамдық көлікте жол ақысын төлеуін қамтамасыз етпесе, онда ата-аналар жауапкершілікке тартылуы мүмкін, – деді ол ҚР ІІМ онлайн-брифингінде.
Сонымен қатар, ол балаларды автобустан шығаруға тыйым салуды енгізу «билетсіз жүретіндердің»көбеюіне әсер етеді деп санамайды.
