БҚО-да 55,5 миллион теңге көлемінде берешек өндіріп алынған

Өңірімізде «Алимент бойынша 10 қадам» жобасы жүзеге асырылуда.

БҚО Әділет департаментінің ақпараты бойынша, жыл басынан бері алимент бойынша 30 борышкер әкімшілік жауапкершілікке тартылды. 50 борышкердің жүргізуші куәлігі тоқтатылды.

2024 жылдың екі айында БҚО сот орындаушылары алимент бойынша 55,5 миллион теңге көлемінде берешекті өндіріп алды.

— Алимент төлеу — бұл заңды міндетті қадам ғана емес, бұл сіздің балаңыздың болашағына қамқорлық жасау. Балаларымыз үшін қауіпсіз және қолдау көрсететін орта құрайық, – деп қосты Әділет департаменті.

Сонымен қатар, Батыс Қазақстан облысында «Алимент бойынша 10 қадам» жобасы жүзеге асырылуда. Бастамашы-облыс прокуратурасы. Жоба алимент бойынша қарыздарды азайтуға бағытталған. Сонымен, полиция мен жеке сот орындаушылары рейдтер жүргізеді, алимент төлеушілерді анықтайды және ұстайды.

Прокурорлардың айтуынша, бастапқы кезеңде екі көлік – «Фольксваген пассат» және ВАЗ – 21102 айыппұл тұрағына қойылды. Олар алимент бойынша борышкерлерге жалпы сомасы 3,3 миллион теңгеге тиесілі. Сот орындаушысы автокөлікті бағалап, сосын оларды сатады, ал ақша алимент бойынша берешекті өтеуге бағытталады.

– Үш қасақана төлемеушіге қатысты ҚР ҚК-нің 139-бабы «Алимент төлеу жөніндегі міндеттерді орындамау» бойынша сотқа дейінгі тергеу басталды. Олар екі жылға дейін шектеу немесе бас бостандығынан айыру жазасына кесіледі, – деді прокурорлар.

ОҚИ ОТЫРЫҢЫЗ: Алимент төлемеген азаматтар жүргізуші куәлігінен айырылуы мүмкін бе?

Оралдағы әйелдер алимент төлемеген борышкерлерді қатаң жазалауды талап етті

Батыс Қазақстанда алимент төлемеген 80 борышкер іздестірілуде