Оралда техникалық ақаулықтан автокөлік жанды
18 наурызда «КАМАЗ-65115026» маркалы автокөлігінің мотор бөлігі және кабинасы өртенген.
2024 жылғы 18 наурызда 16 сағат 28 минутта «101» пультіне Орал қаласы, Шолохов және Циолковский көшелері қиылысында «КАМАЗ» автокөлігінің жанып жатқаны жөнінде хабарлама келіп түсті,- деп хабарлайды БҚО ТЖД баспасөз қызметі.
Оқиға орнына 16 сағат 37 минутта жеткен өрт сөндірушілер «КАМАЗ-65115026» маркалы автокөлігінің мотор бөлігі және кабинасының жанып жатқанын анықтайды.
Өрт 16 сағат 41 минутта оқшауланып, 16 сағат 49 минутта толықтай жойылды.
Зардап шеккендер жоқ.
Өрт орнында № 1 мамандандырылған өрт сөндіру бөлімінің жеке құрамынан 6 адам және 1 бірлік техника және қалалық төтенше жағдайлар басқармасының анықтаушысы жұмыс атқарды.
Осыған байланысты, Батыс Қазақстан облысы төтенше жағдайлар департаменті жүргізушілердің есіне салады:
— автокөлікті техникалық жарамды күйде ұстау, зауыт нұсқаулықтарының талаптарына сәйкес пайдалану және техникалық қызмет көрсету;
— электр сымдарын жақсы жағдайда ұстау;
— электр жүйесіндегі барлық өзгерістерді білікті маманға тексерту қажет;
— өрт болған жағдайда көлемі кемінде 2 литр өрт сөндіргішті автокөлікте қолжетімді жерде сақтау қажет;
— егер көлікте өрт орын алған жағдайда, 101, 112 телефон номерлеріне хабарласыңыз.
