БҚО-да көктемгі балық аулауға тыйым салынды
Облыстың су айдындарында балық аулауға шектеу қойылады. Мақсат-балықтың уылдырық шашуына және одан әрі көбеюіне қолайлы жағдай жасау.
БҚО балық инспекциясы басқармасы өсіру және уылдырық шашу кезінде балықтар мен табиғатты қорғау үшін балық аулауды шектеп, балық аулаудың кәсіптік құралдарын пайдалануға тыйым салынғанын хабарлады.
Балық аулау құралдарын пайдаланып балық аулауға тыйым салынады:
- Көшім өзенінде, Киров, Бітік, Дөңгелек және Пятимар су қоймаларында 1 мамырдан 15 маусымға дейін,
- Шалқар көлінде, Жайық-Көшім суару-суландыру жүйесінің көлдерінде, Қамыс-Самар жүйесінің көлдері мен өзендерінде 1 мамырдан 31 мамырға дейін,
- Батыс Қазақстан облысы шегіндегі басқа су айдындарында 1 мамырдан 15 маусымға дейін.
Кәсіпшілік емес балық аулау құралдарын қолдана отырып:
- Батыс Қазақстан облысы шегіндегі Жайық өзенінде барлық жайылмалы су айдындары (өзендер, төгілулер, арналар, өзектер) 15 мамырдан 15 маусымға дейін,
- Батыс Қазақстан облысы шегіндегі басқа су айдындарында 1 мамырдан 31 мамырға дейін.
Сондай-ақ, аймақта 1 сәуірден 15 маусымға дейін барлық жерде шаяндарды аулауға тыйым салынды. Инспекция қызметкерлері рейдтер жүргізеді.
