Орал мен Ақсай жолы жаңартылады
Биыл өңірдегі автомобиль жолдарын дамытуға республикалық бюджеттен 5,2 миллиард теңге бөлінген.
ҚР Қаржы вице-министрі Ержан Біржанов облыс тұрғындарымен кездесуде биыл өңірдегі автомобиль жолдарын дамытуға республикалық бюджеттен 5,2 миллиард теңге бөлінгенін хабарлады. Бұл сомаға Ақсай мен Оралдағы жолдарды қайта жаңарту кіреді.
Жылу, электр энергетикасын дамытуға 4,4 миллиард теңге бөлінді. Инженерлік көлік инфрақұрылымын дамытуға екі миллиард теңге. Жылумен жабдықтау объектілерін қайта жаңартуға 2024-2026 жылдарға 1,2 миллиард теңге бөлінді.
— Жергілікті бюджетте қаражаттың өсуіне және болуына қарамастан республикадан ақша бөлінеді. Сумен жабдықтауға және су бұруға қатысты 13 жобаға 5 миллиард 271 миллион теңге бөлінді. Жобалар Ақсай қаласында, Ақжайық, Шыңғырлау және Жәнібек аудандарында бар. Сонымен қатар, 5,1 миллиард теңгеге су ресурстары бойынша жобалар бар. Сондай-ақ, ауыл шаруашылығын дамытуға ақша бөлінуде, биыл 17 жобаны жүзеге асыруға 2,6 миллиард теңге бөлінді, — деді Ержан Біржанов.
Сондай-ақ, вице-министр халықтың әлеуметтік осал топтары үшін тұрғын үйге 2024-2026 жылдары 229 пәтерге 2,8 миллиард теңге көлемінде бюджет ақшасы салынғанын айтты. 2025 жылы тұрғын үйге 2,4 миллиард теңге бөлінеді. 2026 жылы 255 пәтерге қосымша 3,7 миллиард теңге бөлінеді. Яғни, үш жыл ішінде 9 миллиард теңге аз қамтылған отбасыларға пәтер сатып алуға жұмсалады.
ОҚИ ОТЫРЫҢЫЗ: БҚО-да 112,9 миллиард теңгеге автожолдар жөнделмек
БҚО-еліміздегі ең нашар жолдар үштігінде
