Ириклин су қоймасынан су жіберу секундына 620 текше метрге дейін өсті
2 сәуірден 3 сәуірге қараған түні Ириклин су қоймасынан судың ағуы шамамен 2 есе өсті. Алайда, бұл шегі емес сияқты.
Ириклин су ағынына әсер ететін су қоймалары толып кетті. Башқұртстанда транзиттік су ағызу басталды. Бұл дегеніміз, Ириклин су қоймасы ағынның ұлғаюы, осыған байланысты су жіберу өседі. Бұл туралы Урал56.Ру-ға су ресурстары федералды агенттігінің Орынбор облысы бойынша Нижне-Волжско бассейндік су басқармасының су ресурстары бөлімінің бастығы Сергей Ридель хабарлады.
«Қазгидромет» РМК БҚО филиалының 2 сәуір күнгі сағат 20.00-дегі мәліметі бойынша Жайық өзені Бәйтерек ауданы Январцев елді мекені тұсында 613 (қауіпті шегі – 1250 см), Шаған Чувашинде 1264 (1280-1300), Деркөл Белесте 708 (600-650), Быковка Құрманғазыда 821 (810), Қараөзен Казталов ауданы Жалпақтал ауылында 745 (790-820 см) сантиметрге жетті.
Сонымен қатар, Шаған және Деркөл өзендеріндегі су деңгейінің көтерілуіне байланысты қазіргі таңда Самал ауданы маңындағы саяжайларға су келіп жатыр.
«Сол себепті осы аумақта орналасқан «Мичуринское», «Объединённое», «Ветеран», «Звёздочка» саяжайларындағы адамдарды эвакуациялау жұмысы басталды. Уақытша тұратын үйлері жоқ адамдар эвакуациялық пункттерге орналасуда. Тұрғындарды эвакуациялауға барлығы 12 автобус жұмылдырылған», – деп хабарлайды әкімдік.
Бос қалған үйлерді полиция қызметкерлері күзетіп жүр. Айта кетейік, қазіргі уақытта қаладағы өзен маңындағы саяжайларда шамамен 10 мыңнан аса адам тұрады.
Шаған өзенінде су деңгейінің көтерілуіне байланысты Орал қаласында Самал ауданындағы аспалы көпірде мұз кептелісі пайда болды. Өзендегі мұз кедергісіз өту үшін аталған аудандағы аспалы көпірді кесу туралы шешім қабылданды.
